جميع الامثال الشامية من الالف الى التاء الجزء الاول

هذه الأمثال الشامية من الألف إلى الياء إنشاء الله تعجبكم.....
[أصابيعك بأيدك مو كلا سوا
أدن من طين وادن من عجين
ايدين دكك ورجلين سكك
أكبر منك بيوم أعرف منك بسنة
العاب بالمقصوص حتى يجيك الطيار
الحجر مطرحو قنطار
النار ما بتحرق ايد إلا كاويها
الحجر اللي ما بيعجبك بفجك
المونة بدا ركونة ما بدا مرا مجنونة
الرجل ما بتدب غير مطرح ما بتحب
الحب مطب والعاشق أعمى
أكل ومرعى وقلة صنعة
الجواب بمحلو متل الدهب بمغلو
السكافي حافي والحايك عريان
اللي فيه مسلة بتنغزو
ألف قلبة ولا غلبة
ألف عين تبكي وعين أمي ما تبكي
الرجال عند غراضها نسوان
العين ما بتعلا عالحاجب
الدم ما بيصير مي
الديك الفصيح من البيضة بيصيح
الحكي صابون القلوب
العين بصيرة والايد قصيرة
العز للرز والبرغل شنق حالو
العروس بعلقها وقلة أكلها
الطبل بحرستا والزمر بمنين
البحر ما بتعكرو ساقية
آب اللهاب
ايلول دنبو مبلول
الرحمة مخصصة والبلا بيعم
ألف قولة جبان ولا قولة الله يرحمه
الموت مع الناس رحمة
الحية إذا جاعت بتعض بطنها
الكلام بينداق متل الطعام
اذا احتجت الكلب قوللو يا حاج كلب
الله بيطعم الحلاوة للي مالو سنان
القرد بعين أمو غزال
الضرف العايب نافخو تعبان
الكلام اللي ما بينفد ياحسرة قايلو
الحكي الك يا كنة اسمعي يا جارة
الآخرة يا فاخرة
الرايح بايدو والجاية بايد الناس
الغايب حجتو معو
ايمتا كنا والشمس ترقعنا
اجا ليكحلها عماها
الرمد أشوى من العمى
العيرة ما بتدفي وان دفت ما بتوفي
ايد واحدة ما بتصفق
إن داقت عليك المخازن مخزنك عبك
البخشيش بالدرهم والعطا بالقنطار
إن كان حبيبك عسل لا تلحسو كله
الله يطعمك حجة والناس راجعة
الولد اللي ما بيبكي امو ما بترضعو
أع** دهر ولا أرمل شهر
اذا الصغير انتشا الكبير باس ايدو
الطرق ولو دارت والبنت ولو بارت
الدهر يوم الك ويوم عليك
الخبز والماء أكل العلماء
الحارة ضيقة والحمار رفاس
الله ما نشاف لكن بالعقل نعرف
الخوف بيقطع الجوف
الرطل بدو رطل ووقية
الصاحب ساحب
الجنازة حامية والميت كلب
الأعور بين العميان ملك
الخير بخير والشر بغير
الجمل اذا بار بيحمل قنطار
العين مغرفة الكلام
إن عاب عليك أصلو دلايلو فعلو
الجمل لولا الفزة لحمل المزة
القط ما بيهرب من العرس
الجار قبل الدار
الولد ولد ولو صار قاضي بلد
الجحشة بعليقها والأصيلة بعليقها
ب
بير مالو قرار
بيعمل من الحبة قبة
بيعمل من ال**يبة خمارة
بدك تعمل جمال علي باب دارك
بدوب التلح وببان المرج
بيقتل القتيل وبيمشي بجنازتو
بتموز بتغلي المية بالكوز
باللعب والأمزاح تشتفي الأرواح
بصلتو محروقة
بالوش مراية وبالقفا صرماية
بين النور مافي تكليف
بيخطف الكباية من راس الماعون
بتقولو تور بيقلك حلبو
ت
تاجرنا بالكفان بطل حدا يموت
تعا علي وخلصني ولا تجي معي وتعلقني

شو قصتك انت والشوام يا بيشو ..
نزللنا امثال حلبية ...
وتروك لشوام بحالون ..
مشكور بيشو

ألف قولة جبان ولا قولة الله يرحمه
انا هاد كتير بحبووووووو ههههههههه
مشكور بشبوووش

نوسي شو شغلتنا لكن ههههه

ههههههههههه
اي جبانة لكن

اي شوو هاد يابيشوو
خلص من هون ورايح انا وياك بنلغي الادلبي وبنبلش بالشامي اي
هههههههههه

اي هههههههههه
بس انا مابتخلى عن الادلبي يا خيتوووووو
شباكي
هههههه
منورة عينيي

روعه الله يعطيك العافية

» جميع الامثال الشامية من الجيم الى الكاف الجزء الثاني
» همسات حبك سيدي ...الجزء الاول
» مجموعة من الامثال الحلبية وشروحاتها