نهفات التلفزيون السوري..... ودعاياتنا الخالدة

رح حطلكم اروع ما قدمه التلفزيون السوري للشعب من دعايات خالدة

منبدا

اولا دانا..

ابقو معنا ووقتاً ممتعاً
-طار العشا….طار العشا…..جيرانك لهطو دانا طبختا أنا ل عشانا
عالريحة اجو عالريحة بالجبنة عملتا دانا
منصور الحقني اسباغيتي دانا جبلي
أنا هلأهلأهلأ بدي دانا هلأ هلأ

تمثيل هيفا وهبي قبل ما تعتنق الفن ويعتنقا الجمهور
درب الفن هون عند هيفا كان مفروش بالمعكرونة والسباكيتي

ثانيا بوفالو..

-نحنا بللورنا قزاز والغبرا 5 سم عليه
نحنا بللورنا قزاز والغبرا حولو وحوليه
جارة قالتللي رسمالو
آه يا هدى
انك تشتري بوفالو
آه يا هدى
من بخة وحدة بوفالو
اللمعة بتضوي عليه

تمثيل نيكول بردويل وحفنة من ملكات جمال لبنان
ثياب الملكات بالدعاية تقديم أزياء (البنت الأمورة) البنت الأمورة….أحدث الصيحات في عالم الموضة
حمص سوق المسقوف اول لفة ع ايدك اليمين تالت بسطة عالشمال

- ل كندرة النغنوغة شو هاللمعة النعنوعة
بويا كريم بوفالو اللماع
عندكن شي لهالشحاطة
ل سباط اللولو اللولو شو اللمعة المتل اللولو بويا كريم بوفالو اللماع
بويا كريم بوفالو اللماع
عندكن شي ل هالقباب

الصراحة يعني هالدعاية سابقة عصرها
بالاخراج والكلمات والالحان

ثالثا اوريس..

-يا حلوة قوليلي شو يبيض غسيلي آهى هاها
اوريس هاتيللي وبكرا شو بدعيللي هاها
أوريس ميل وفتح نصع الغصن وزهر
آها ها

تمثيل بطلة الاعلانات السورية
نجمة دعاية سوراين
سامانتا
والممثلة عبير شمس الدين قبل ما تبطل غسيل وتنضيف و تلتحق بالفن
درب الفن عندك يا عبير مفروش بالرغوة والصوابين ف ديري بالك لا تتزحلطي وتنقرف رقبتك

وطبعا ما بنقدر ما نختم الشريط الاعلاني ب دعاية
محارم ديما ديما ديما
ناعمة قوية معطرة من بالك اوعى تقيما

تمثيل ملكة جمال لبنان كاتيا كعدي
اللي صار معها انقراص فقرات وديسك وخلع رقبة بعد الدعاية من كتر ما شوشحت ولولحت برقبها

الى الامام ايها التلفزيون السوري لنرتقي بدعاياتنا الى الافق

مع تحيات
اخوكم احمد
طبعا ملطووووووش

كوالا .... بتلمع لحالا ....
معك كوفريه ...؟؟؟؟ لا ما معي كوفريه ... لا كون معك وما رح تطعميني ..... اي معي معي وما رح طعميك شو رح تساوي ؟؟؟؟ ...... حطخك .......ههههههههههههههههههههههه
ظريفين يا سيدي ...............

ههههههههه الله عليك يا حمادة شو منور

حبيب البي نورت الموضوع

لك انت شو قصتك
تروك سووووووريا بحالهاااااا ههههههه
يسلموووووووو حدووووو
اكتر شي عجبني ملووووووش
هي بكل مواضيعك يازلمة ههههههه

هههههههههه هي سر المهنة ملطوووووش

والله انا بحبا لسوريا مشان هيك ماني تاركها بحالا

منورة الموضوع

لا احلى شي مسواك ههههههههههههههههههههههههههه

وربي ما بنسى هالعلكه ههههههههههههههههه

يسلمووو جراحووو

هلا بيسو

اي عنا العلكة شي مقدس بالدعايات

منور زعيم

ههه عراسي معلم ......... انت والحديقة يلي قدام بتكن ..........ههههههههههههه

.........

اهلين حمادة والله منور

وميدو ........

منور كمان هلا بالكل

ايه مسواك ومنطاد ومحارم ديمة الائيمة ههههههههههههههههه حلوين كتير
مشكور كتير كتير حلوين

عيونك الحلوة سوس

منورة الدنيا والله

» كيف تعرف انك تشاهد التلفزيون السوري
» الزلاغيط الحديثة للشعب السوري
» الشاب السوري