حماصنة ...بس مو كل الحماصنة هيك !!!

حمصي لحق حرامي ، فسبقه .
--------------
حماصنة سمعوا بقدوم عاصفة على حمص ، فكتبوا عند أول حمص : درعا ترحّب بكم
------------------
ليش أسعد أكل رغيف كامل ؟ لأنّو كامل أكل رغيفو .
---------------
حمصي فات ع الحمّام شاف قشّاطة ، قال : وليييي كُل هاي شفرة حلاقة ؟
---------------------
ليش الحماصنة بزيّتو الشجر ؟ منشان ما يزقزقو العصافير
.------------------
سألوا الحمصي من وين بيستخرجو السمسم ؟ قلّن : من البرازق
.----------------
الحمصي ليش بيركض بالبوط لمّا بيشتريه ؟ منشان يجرّبو إذا سريع ولاّ لأ
.-------------------
حمصي محشّش راجع ع البيت الساعة 4 الصبح . دق الباب .. فتحتلو مرتو
.. قام طرقها كف .. وقلّها : وينك لهلأ ؟
.---------------------
قال حمصي لصديقه : بتشرب قهوة ؟ قالو : إذا شربت قهوة ما بقدر نام . قالو : أنا
بعكسك تمام بس نام ما فيني إشرب قهوة
.------------------------
حمصي سأل واحد بالشارع وين الرصيف ؟ قالو : مقابيلك . قالو الحمصي : سألت
هونيك قالولي هون
.------------------------
صحفي سأل حمصي : قديش نسبة البطالة بحمص . قالو الحمصي : والله حمص
كلّها أبطال .
----------------------------
حمصي قالولو بالصين كل دقيقة بيولد واحد ، قالهم : شو هالتطور العجيب
نحن كل 9 أشهر بيجي ولد .
---------------------
حمصي سأل صاحبه : الهند بعيدة ؟ قال لو : ما بعتقد لأنه في عنا بالشغل واحد
هندي بيجي ع البسكليت .
----------------------
بنت دلوعة وأبوها بيشتغل لحّام سألوها باباكِ شو بيشتغل ؟ قالت : بابي بيأشّر لحم
----------------------------
سألوا صعيدي ما هو السيفون ؟ قال : صندوق موصول بحبل لمّا تشدّه يا بتلحق
تشرب يا ما بتلحقش .
-----------------------
شيطان حمصي ساخ وادح كف ....وقله :
هاد يلي كان ناقص مو باقي غير تتعوذ فيي.
-------------------------------
واحد سأل محشش امك حية ؟
قله : لا عقرب
قلوا ياغبي بقصد عايشة ؟
قله :لا خديجة .
--------------
حمصي رومنسي سأل حبيبته عن عمرها ..
قالتله: 38
قال : سبحان الله نفس مقاس رجلي ..
----------------------
حمصي اول مرة بيشوف جسر ...
قال: الله يخليلنا الحكومة رافعة الشوارع من بين ايدين لولاد .
-------------------------
حزيرة حمصية : له جناحين وما بيطير .....له عيون وما بشوف ....له رجلين ومابيمشي ...
عصفور ميت ..
---------------------------
حمصي بيقول انه بيعرف يحكي مكسيكي ..
قالوله: سمعنا ؟
قال: اين انت اوغناسيو ؟
------------------------

بتمنى يعجبوكون ...
بس لاتاخدوا فكرة انه الحماصنة كلهم متل بعض ...
في مجانين وفي مجانين ...وحدي من التنتين ..

---------------------------
حمصي بيقول انه بيعرف يحكي مكسيكي ..
قالوله: سمعنا ؟
قال: اين انت اوغناسيو ؟
------------------------
هههههههههههههههههههههه ليش مو وين ماريا هههههه
مشكورة حبيبتي لاانتو مو كلكون هيك اكيد بس في منكون دمون خفيف

هلا سروس ...نورتي ياغالية ...

حمصي فات ع الحمّام شاف قشّاطة ، قال : وليييي كُل هاي شفرة حلاقة ؟

هههههههههههههههههه
والله انك داهيه
يا نونا

يسلمو دياتك يا قمر
وناطر نكتك يا غاليه

جون سرانتي كتب:

حمصي فات ع الحمّام شاف قشّاطة ، قال : وليييي كُل هاي شفرة حلاقة ؟

هههههههههههههههههه
والله انك داهيه
يا نونا

يسلمو دياتك يا قمر
وناطر نكتك يا غاليه

هلا ياقيس ...
نورت بمرورك ...

wafeeklm كتب:

يا سلام عالحماصنة بجننو

ييييييييييي تسلم انت يلي بتجنن ..!!!
نورت بمرورك يامحمود ..