معتقدات شاميه

معتقدات شاميه

* اذا انكسرت كاسة بيقولوا: انكسر الشر (تقولوا الشر مخلوق من الزجاج)

* اذا مر حدا فوق الطفل ما بقا يطول ( انو اذا طفل صغير متسطّح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!!

* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )

* مراششة الميه فراق (ما بصير حدا يرش رفيقو بالمي لان بعدين بيتفرقوا اي شو عم يرشه بالزيت كاز )

* اذا اجت الكندرة فوق الكندرة يعني رايحين مشوار (واذا اجت تحتها يعني راجعين من المشوار ؟؟!!)

* اذا زحف الولد او زقزقت العصافير معناها جاينا ضيوف (وبهيك حالة لازم توقفوا ورى الباب لانهم بكونوا طالعين عالدرج)

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض)

* اذا رفت عيني اليمين بيكون جاينا خبر طريف

*اذا رفت عيني الشمال بيكون جاينا خبر مو منيح(اما اذا رفوا سوى فأنت اكيد احول)

* اذا حكني حاجبي معناها بدنا نستقبل حدا جاي من السفر

*إذا حكني كفي اليمين معناها بدي أقبض مصاري

*و إذا حكني كفي اليسار معناها بدي أدفع مصاري (اما اذا حكك شي تاني بقى فأنت اكيد جربان روح تحمم)

* و ما بصير الحمام بالليل (طبعا شي بديهي لأن اكيد المي بتكون مقطوعة)

*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )

*وإذا عمل العصفور تحتو على الأواعي يعني جاييكون رزقة (وما لازم تغسل ملابسك شي سنة مشان الرزقة)

*و دلق القهوة رزقة وكمان نفس الحكي خليها مدلوقة لا تمسحها

*و شرب المي بعد القهوة قلة زوء (حتى لو اتشردقت موت ولا تشرب مي )

* كمان يلي حامل بصبي بتتباشع واذا حامل ببنت بتحلا

* وإذا الطفل قعد بالصينية وهي عالأرض بيرتعبوا لأنه هاد الولد رح يضيع (ويمكن يتشرد هاد اذا ما طلع حرامي كمان )

* و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص

*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة (بس اكيد في عالم اذا بتقرأ القرأن كله بيضلوا لزقة فلا تحاول)

*والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي)

*وبعد ما نخلص صلاة نطوي السجادة مشان الشيطان ما يصلي عليها (خلّيه يصلّي بلكي يتوب ويصير يوسوسلنا بالخير!!)

حلوين هالاشيا ....

بس انا بعرف انو ازا رفت عيني الشماال بكون خبر حلوو ...

وبقولو كمان هي كتير تبعت ازا حاملة المرأة بصبي ..بتصير حلوة وازا العكس بتتبشع

عجد شي غريـــــب

بس احيانا بتصدق هالاشيا

ههههههههههههههههههههههههههههههههههههه

ما بعرف شوبدي احكي ..
لان انا ما بأمن بهيك شغلات ..
مشكور معتز ..

حبيب انا بنت الشششششام وعايشة بشام من يومي صحي انا مو شامية بس
بعرف كلشي عنهووون وانت من حلب وهل شغلات حبيبي مارح تفهما ولاتفهمني غلط
هي الشغلات قديمة كتير من قبل ماتخلق انت يعني ومن بساطوون كانو يحكو هل شغلات مو اعتقادن ياعزيزي
يعني عن طيبة مو خزعبلالات

ليييييييييييييييش معصبة محد حكا شي
ولا كتبتي رد قبل ما فووت هههههههههه

ماني معصبة ولو بل عكس ابو العز بيعرف اني بحبووو وبحترمووو كتييييييييييير وهو اول شب بهل منتدى
بتعرف عليييييييه بعدين اجو الباقي صح عزوز
وبعدين بيشششو نقطني سكوتك ههههههه

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض)

ههههههههههههههههههههههههه

الله عليييييييك ابو العز ..... كتيييييييييييييييير بيستخدموهن العالم هالاشيا

بس للاسف .. كلو عالفاضي

ههههههههههه والله معكن حق بس انا ياشباب بس انا لما تحكني ايدي الشمال بقبض مصاري يارب تضل تحكني شي ساعة كل يوم ههههههههه

وهي القصص بتصير بعلم الطاقة يعني انت لما تامن بشي وتوثق انو هيك فعلا اكيد رح يصيير هيك علم الطاقة

ههههههههههههههههههههههههههههههههههههههههههههه