اسئلة ما بتسمعها الا بفلسطين

________________________________________
أسئلة ما بتسمعها إلا من أهلك بفلسطين

نايم بغرفتك على السرير ومطفي الضو ومتلحف بالبطانية
بيجي واحد من أهلك ويفتح الباب عليك ويقول : إنتا نايم ؟؟

لا .. برقص على وحده ونص .. طبعا ملتعن اللي خلفوني و نايم........
______________________

معزومين عند قرايبكم ورحتوا لبيتهم وأول ما فتحولكم الباب قال إبنهم
إنتوا جيتــوا ؟؟

لا .. لسه في الطريق بنستنى بكلب يعتلنا ...آه إجينا إنت شو شايف ؟؟
________________________________________

لابس بدلة ومتعطر و متهندم وماخذ مفاتيح السيارة و المحفظة ورايح
لباب البيت
بيجي واحد من أهلك وبسألك : شو إنتا طالع محل إشي ؟؟

لا .. شوفت عينك طالع على السطح أصلح خزان الميه.. أكيد مقلوع وطالع...
___________________________________

ماسك موبايلك و قاعد بترن على حدا
بيجي واحد من أهلك وبسألك : بدّك
تحكي تلفون ؟؟

لأ مفكر أنقعه بالمي وأشرب ميته.. أكيد بدّي أحكي بالخـ............
_________________________________________

قاعد بتحمم بالبانيو ومبسوط وصوت الدش والمي طالع لبرا
بيجي واحد من أهلك وبسألك من ورا الباب : إيش بتسوي ؟ بتحمم ؟؟

لا .. والله بغيّر زيت للسيارة.. شو رأيك؟ :
________________________________________
ماسك كتاب و قاعد تقرا فيه
بيجي واحد من أهلك وبسألك : إيش بتسوي ؟ بتقرا كتاب ؟؟

لا .. بسلّك بالمجاري ,,,شكلو بس دايخ نايم جوا... وقلت فرصة أحكيله حكاية بلكي طلع!!!!!!!!!:

__________________________________________

مذيع تلفزيوني بسألك ليلة العيد في مقابلة في نص الشارع :
إيش بتسوي يوم العيد ؟ أكيد بتروح تسلّم على أهلك و تعيّد عليهم ....

لا .. بروح بطرشهم بالصرماي وبسوّي معهم طوشة للسما وبقلهم العيد التغى السنة..

أكيد مقلوع ورايح أعيّد عليهم

_________________

نفس المذيع بشوف ولد بالشارع وبساله؟

حبيبي بتحب بابا وماما؟!!

لا مابحبهم , بحب البوسنة والهرسك ... شو رأي خواتك بالموضوع؟؟؟؟

بالله عليكم......بتسمعو هيك أسئلة برّا فلسطين؟؟؟؟؟؟؟؟؟؟؟

________________________________________

يا جماعة ترا هاد مواقف هيك عفوية بتجي
بس حلوة
وما حدا بزعل من التاني لما يعملها فيه

ههههههههههههه بس في بعضا بتصير عندي بالبيت
ماسك كتاب و قاعد تقرا فيه
بيجي واحد من أهلك وبسألك : إيش بتسوي ؟ بتقرا كتاب ؟؟

لا .. بسلّك بالمجاري ,,,شكلو بس دايخ نايم جوا... وقلت فرصة أحكيله حكاية بلكي طلع!!!!!!!!!:
متل هي ياويلي شو بتصير عندي
بتجي اختي يي نور عم تدرسي
بيجي بابا نورة عم تدرسي حبيبتي
استغفر الله العظيم وبعدين
بس حلوة مشكورة عكل حال

كتير هيك بصير يا نور
مشكورة على مرورك
بس انا اكتر موقف بتكرر معي
لما كون نازلة عالشغل ومعي المفاتيح
عم شغل بالسيارة بقولولي جيراني
شو رايحة عالشغل
شو مجهزة حالك وطالعة بسيارتك
عنجد شي بخلي الواحد يطلع خلقه

هي الاسئلة وين مارحتي مو بس بفلسطين
في عنا منها كتير ...
مشكور هموس

هههههههههه يمكن بتلاقيها بسوريا كمااان
مشكورة

هههههههههه يمكن بتلاقيها بسوريا كمااان
مشكورة

هي بكل مكان اكيد وبطرق مختلفة
شكرا
شكلك ما خليت ولا موضوع
بس ما وصلت للي بدي ياه انا
بس تصلو علق عليه
وازا عجبك لا تحذفه
ميرسي

مشكوره هموس ماما

» اسئلة حلوه سوريا
» اسئلة كثيرة اهمها .. ماهو الحــب