حماصنة مجددا ... مو بأيدي والله بحبون

تلميذ شقوة طلبت المدرسة ولي أمرو ..قلو أبوه: شو عامل؟؟

قال: ما عملت شي بس لحشت وردة من الشباك
راح الأب عالمدرسة تاني يوم لقى عند المدير وحدة كلها مجبصنة قلها خير يا حبيبتي شو اسمك انتي؟؟ قالتلو: انا وردة....



حمصي ركب بالتكسي حط مرتو قدام منشان الشوفير ما يطلع عليها بالمراية...



حماصنة عميلحشو حالون من الباص وهو ماشي ليش؟؟؟؟

الشوفير حط غنية التايتانيك فكرو الباص حيغرق





حمصي رومنسي سأل حبيبته عن عمرها قالت له:

38

قال لها :

سبحان الله ....نفس مقاس رجلي





حزيرة محشش :

له جنحان وما بطير له عيون وما بشوف له رجلين ومابيمشي؟

عصفور ميت





حموي ولدت مرته توأم ... من الفرحة قال للدكتور:

علي الطلاق غير تنقيلك واحد







حمصي وقفتو دورية المرور.. قلو الضابط ليش مالك حاطط الحزام.

قلو: لأني أصلاً مو لابس بنطرون.



حمصي سألوه: شو أصعب شي بالدنيا؟؟؟ قال: إنك تحلق دقنك وانت عم تاكل علكة




حمصي انخطفت حماتو راح عند مرتو قلها: أمك انخطفت وبدهون فدية 100 ألف ليرة يا أما بيحرقوها بالبنزين وصرلي من الصبح داير بالحارة من بيت لبيت عم اجمع تبرعات..
قالتلو: وقديش جمعت؟؟؟
قلها: صار معي شي 50ليتر بنزين.



حمصي ما عميقدر ينام قالتلو أمو روح عد للمية.
وصل للخمسين كبس عليه النوم.. راح غسل وشو ورجع كمل


واحد ربح مليون ليرة راح لعند مرتو عميخبرها قام إجتها أزمة قلبية وماتت.. قال: الحمدلله يا ربي شلون بتبعت الخير دفعة وحدة..


حمصي سألوه: شلون صيام رمضان بالصيف معك؟؟؟ قلون: والله الحمدلله لولا

هالوضوء كان الواحد مات من العطش