أقوال مصدمة

اذا انكسرت كاسة بيقولوا: انكسر الشر (تقولوا الشر مخلوق من الزجاج)
اذا مر حدا فوق الطفل ما بقا يطول ( انو اذا طفل صغير متسطّح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)
قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
مراششة الميه فراق (ما بصير حدا يرش رفيقو بالمي لان بعدين بيتفرقوا اي شو عم يرشه بالزيت كاز )
للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين (واللي بيعمل غير هيك بيتحول لسعدان !!)
اذا اجت الكندرة فوق الكندرة يعني رايحين مشوار (واذا اجت تحتها يعني راجعين من المشوار ؟؟!!)
اذا زحف الولد او زقزقت العصافير معناها جاينا ضيوف (وبهيك حالة لازم توقفوا ورى الباب لانهم بكونوا طالعين عالدرج)
اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض)
اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا
اذا رفت عيني اليمين بيكون جاينا خبر طريف
اذا رفت عيني الشمال بيكون جاينا خبر مو منيح(اما اذا رفوا سوى فأنت اكيد احول)
اذا حكني حاجبي معناها بدنا نستقبل حدا جاي من السفر
إذا حكني كفي اليمين معناها بدي أقبض مصاري
و إذا حكني كفي اليسار معناها بدي أدفع مصاري (اما اذا حكك شي تاني بقى فأنت اكيد جربان روح تحمم)
و ما بصير الحمام بالليل (طبعا شي بديهي لأن اكيد المي بتكون مقطوعة)
و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن) بس عرفتوا مين هدول؟؟؟؟؟؟؟؟؟؟؟؟؟؟........... ولا انا !!!!
واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )
*و دلق القهوة رزقة وكمان نفس الحكي خليها مدلوقة لا تمسحها
و شرب المي بعد القهوة قلة زوء (حتى لو اتشردقت موت ولا تشرب مي )
و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه بس ابصر شو ؟؟؟!!!
كمان يلي حامل بصبي بتتباشع واذا حامل ببنت بتحلا
و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص
واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة (بس اكيد في عالم اذا بتقرأ القرأن كله بيضلوا لزقة فلا تحاول)
واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ... وفي حل تاني انك تروح تشيل عيونه وبلا وجعة هالراس
والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي)
وبعد ما نخلص صلاة نطوي السجادة مشان الشيطان ما يصلي عليها (خلّيه يصلّي بركدن يتوب ويصير يوسوسلنا بالخير!!)
واذا حدا ضهروا عم يحكو معناها بدو قتلة مرتبة

هههههههههههههه
حلوين كتير
اي والله عنا يطبقوهن كلن
وخاصة تبع المقصصصصصصص ههههههه عقدتني هالشغلة

يسلمو حبيبتي ..
بجننو

يسلمو حبيبتي حلوين كتير
بس ياحلوة موضوعك بدي انقلو عقسم النكت ماهون محلو
يعطيكي العافية ومنورة بين

أنا المشكلة مابعرف وين حط المواضيع
بس ما مشكلة يا قلبي انقلي

تسلمي ياحلوة
واذا بدك اي مساعدة ياحكيني على ميلي وانا بخبرك ياحكيني برسالة
وهي ميلي
sersa29tsay@hotmail.com

ههههههههههههههههههههههههه
والله هيك دائما اهلي بيقولولي خصة تبع الاضافر هي قاهرتني
بسألهم ليش بيعصبوا عليي ولي بتصير مناظرهم بتخوّف ههههههههه
يسلموو

ههههههههههههههههه

ما بصير الحمام بالليل (طبعا شي بديهي لأن اكيد المي بتكون مقطوعة
وشرب المي بعد القهوة قلة زوء..(يعني اذا تشردقت موت ولاتشرب مي)
ههههههههههههههههههههههههههههههههههههههههههههههههههههههههههه
عيش كتير بتشوف اكتر..يسلمو هلانامل..

هلا بيشو نورتي حبيبتي..........

هذا أسمو عادات تقاليدية منغلقة مقتبسة من خرافات أجدادنا

منذعصور عندما دب الجهل مجتمعاتنا وللأسف مازالت هذه المحاكة تتداول في مجتمعاتنا.

ولسى في أفظع من هيك بكتير.شكرا نسرين

هلا سارة نورتي شكرا عالمرور.............

أهلين زياد نووووووووورت...........

مرسي نسرين بس موضوع مكرر

هلا معتز....

جاري البحث......